Едукативниот центар на Промедика (ПЕЦ) располага со современо опремена сала со капацитет од 50 седишта за посетители и слушатели. Техничката опременост на ПЕЦ се карактеризира со најсовремена видео и аудио технологија за одржување на едукативни предавања, презентации и промоции. Тука најчесто можете да се запознаете со најновите достигнувања од областа на стоматолошката дејност, медицинската наука и фармацевтската индустрија. Во рамките на ПЕЦ работи и современа заботехничка лабораторија – „Промедика лаб“ во која постојано се одржуваат разни видови на основни, напредни и специјализирани курсеви, каде детално се презентира начинот и постапката на работа со најсовремените стоматолошки и заботехнички материјали. Курсевите се одржуваат во групи од 8 учесници кои активно учествуваат во работата, со обезбедени материјали и инструменти за работа во зависност од потребите и барањата на курсот, за што на крајот добиваат соодветен сертификат за учество. За повеќе информации во врска со случувањата во ПЕЦ можете да видите во календарот на настани.